संयुक्त अरब इमिरेट्स (युएई)ले कोभिड १९ संक्रमणको जोखिमका कारण स्वदेश फर्किन चाहेका कामदारलाई नफर्काए श्रम सम्झौता नै रद्द गर्न सक्ने चेतावनी सार्वजनिक भएसँगै नेपालीमा चिन्ता थपिएको छ ।
युएईको मानव संसाधन मन्त्रालयले गएको ३० चैतमा संक्रमणको जोखिममा रहेको कामदारहरुले आफू देश फर्कन चाहेको तर सम्बन्धित देशले वास्ता नगरेको बताउँदैं आफ्ना नागरिकलाई फिर्ता नगरे श्रम सम्झौता नै रद्द गर्ने चेतावनी दिएको हो ।
हे.लिंक (मलेशियामा नेपाली कामदारमाथि रोकिएन शोषण
कोभिड–१९ को संक्रमण जोखिमपछि श्रम सम्झौता सकिएका, थप भिसा नपाएका, पर्यटक भिसामा गएका र कम्पनिले भने अनुसार, तलब नदिएका कारण स्वदेश फिर्ता हुन चाहने नेपालीको उल्लेख्य संख्या रहेको छ ।
दुबईस्थित फ्लेक्स फ्यासिलिटी म्यानेजमेन्ट क्लिनिङ कम्पनीले सम्झौता अनुसारको सेवा सुविधा नदिएपछि अलपत्र परेका नेपाली कामदार ।
हे.लिंक (मलेशियाको डब्लूआरपी कम्पनीले पञ्जा उत्पादन रोक्यो, करीब पाँच सय नेपालीको भविष्य अनिश्चित
यदि उनीहरुमध्ये १० प्रतिशत मात्रै स्वदेश फर्कन चाहे पनि ल्याउने प्रबन्ध, क्वारेन्टिनको ब्यवस्था र संक्रमण जाँच आदी सरकारका लागि हम्मेहम्मै पर्ने देखिन्छ । सरकारले अहिलेसम्म यस बारे कुनै तयारी पनि गरेको देखिन्न ।
युएईमा अलपत्र परेका नेपाली कामदार ।
भोकभोकै २९६ नेपाली
हे.लिंक (मलेशियाली कम्पनीमाथि अमेरिकी प्रतिबन्ध, नेपालीको रोजगारी गुम्ने जोखिम
कामदारहरुले आफूहरुलाई खानका लागि समेत पैसा नभएको भन्दैं उद्धारका लागि नाम, ठेगाना र राहदानी नम्बरसहितका विवरण नेपाली मजदुर एकता समाजमार्फत युएईस्थित नेपाली राजदुत, श्रम मन्त्रालय, वैदेशिक रोजगार विभाग पठाइसकेका छन् । तर, कतैबाट पनि जवाफ पाइरहेका छैनन् ।
कामदारले दुतावासलाई उद्धारका लागि नाम, ठेगाना र राहदानी नम्बरसहित दिएको विवरण ।
हे.लिंक ( मलेशियामा नेपाली कामदार आधुनिक दाससरह : एन्डी हल, अधिकारकर्मी )
नेपाली मजदुर एकता समाजको अन्तर्राष्ट्रिय समितिका प्रवक्ता समर्पण भट्टराई अलपत्र कामदारलाई खान समेत मुस्किल परेको तर राजदूत कृष्णप्रसाद ढकालले वास्ता नगरेको आरोप लगाउँछन् । उनी कोरोना संक्रमित र संक्रमणको जोखिममा रहेकाहरुमा देश फर्कन चाहेका तर दुतावासले कुनै पहल नगरेको बताउँछन् ।
