फिल्म साउथएशिया महोत्सव प्रारम्भ, यी हुन् प्रदर्शन हुने आठ देशका ७१ वृत्तचित्र

वृत्तचित्र महोत्सव ‘फिल्म साउथएशिया २०२२’ बिहीबार ललितपुरमा प्रारम्भ भएको छ।

ललितपुरको पाटनढोकास्थित यलमाया केन्द्रमा महोत्सव शुरू भएको हो। महोत्सवमा दक्षिणएशियाका आठ देशका ७१ वृत्तचित्र प्रदर्शन गरिनेछ।

महोत्सवका लागि आएका दक्षिणएशियाका तीन हजारभन्दा बढी वृत्तचित्रबाट ७१ छनोट गरिएका हुन्। यी वृत्तचित्र चार दिनसम्म प्रदर्शन गरिने आयोजक फिल्म साउथएशियाले जनाएको छ। महोत्सवको पहिलो दिन बिहीबार नौ वटा वृत्तचित्र प्रदर्शन गरिने कार्यतालिका छ। त्यस्तै, शुक्रबार २३ वटा वृत्तचित्र प्रदर्शन गरिने भएको छ।