देउवालाई विश्वासको मत दिने यी हुन् ओली पक्षका आठ सांसद
नेकपा (एमाले) अध्यक्ष केपी शर्मा ओली पक्षका आठ सांसदले प्रधानमन्त्री शेरबहादुर देउवालाई विश्वासको मत दिएका छन्।
ओलीको मन्त्रिपरिषद्मा सदस्य रहेका पूर्ववनमन्त्री प्रेम आले, तनहुँका कृष्णकुमार (किसान) श्रेष्ठ लगायत आठ जनाले देउवाको पक्षमा भोट दिएका हुन्। उनीहरूको समेत समर्थनमा देउवाले १६५ मत पाएका छन्। विपक्षमा ८३ जनाले मात्रै मत दिए।
देउवालाई प्रधानमन्त्री बनाउनुपर्ने प्रस्तावमा हस्ताक्षर गरेका झलनाथ खनाल, भीम रावल, सुरेन्द्र पाण्डे, घनश्याम भुसाल र गोकर्ण विष्टको मत भने उनले पाएनन्। देउवाको पक्षमा हस्ताक्षर गर्ने एमालेका २३ सांसद बाहेक आठ जनाले देउवालाई मत दिएका हुन्।
देउवालाई विश्वासको मत दिने ओली पक्षका सांसद :
१) प्रेम आले
२) कृष्णकुमार (किसान) श्रेष्ठ
३) धनबहादुर बुढा
४) गोपाल बम
५) हिराचन्द्र केसी
६) समिना हुसेन
७) बिना बुढाथोकी
८) अञ्जना विंशखे
-1732261651.jpg)
-1732259528.jpg)
