अर्थ/बजारशुक्रवार, श्रावण ४, २०७५

१५ महिनापछि बन्दीपुरमा पनि केबलकार

हिमालखबर


गण्डकी प्रदेशका मुख्यमन्त्री पृथ्वी सुब्वा गुरुङले शुक्रबार बन्दीपुर केवलकारको शिलान्यास गरेका छन्।

ठूलढुंगादेखि बन्दीपुर जोड्ने एक किमी ६ सय मिटरको सीधा रोपवे केबलकार परियोजनाको मुख्यमन्त्री गुरुङले शिलान्यास गरे। उनले यस अवसरमा पर्यटन, ऊर्जा, कृषि र उद्योगको सम्भावना प्रशस्त रहेकाले निजी क्षेत्रले गण्डकी प्रदेशमा लगानी बढाउनुपर्नेमा जोड दिए। प्रदेशका १४ प्रतिशत गरिबीको रेखामुनि रहेका जनतालाई पाँच वर्ष्भित्र शून्यमा झार्ने लक्ष्य रहेको उनले बताए।

प्रदेशका पर्यटन, उद्योग, वन तथा वातवरणमन्त्री विकास लम्सालले पर्यटनमुखी प्रदेश बनाउन लागिएको जानकारी दिए। प्रतिनिधिसभा सदस्य कृष्णकुमार श्रेष्ठ, आरकेडी रियल स्टेट एण्ड कन्स्ट्रक्सन कम्पनीका अध्यक्ष रामचन्द्र शर्मा, बन्दीपुर केबलकारका अध्यक्ष तारानाथ उपाध्याय, तनहुँ उद्योग वाणिय संघका अध्यक्ष मानकाजी श्रेष्ठ, बन्दीपुर गाउँपालिकाका अध्यक्ष पूर्ण्सिंह थापालगायतले केबलकार सञ्चालन भए बन्दीपुरको विकासमा टेवा पुग्ने बताए।

५६ करोड लागतमा निर्माण गरिने केबलकार १५ महिनाभित्र सक्ने लक्ष्य राखिएको छ। केबलकार निर्माणका लागि लाग्ने कूल रकमध्ये ११ करोड २० लाख बन्दीपुरेका लागि शेयर खुला गरिएको बताइएको छ।

प्रतिकृया दिनुहोस