थप समाचारबुधवार, चैत्र १४, २०७४

चन्द्रपुरमा भएको आगलागीमा करोडको क्षति

हिमालखबर

रौतहटको चन्द्रपुरमा आज, १४ चैत विहान भएको आगलगीबाट करिब एक करोड क्षति भएको छ ।

चन्द्रनिगाहपुर बजारस्थित राहुल हार्डवेयर गोदाममा बिहान साढे ६ बजेतिर भएको आगलागी नेपाली सेना, सशस्त्र प्रहरी बल, नेपाल प्रहरी र स्थानीयबासीको सक्रियतामा साढे तीन घन्टापछि नियन्त्रणमा आएको थियो ।

चन्द्रनिगाहपुर उद्योग वाणिज्य संघका महासचिव सुनीलकुमार साहको राहुल हार्डवेयर तथा फर्निचर पसलमा भएको आगलागी नियन्त्रणका लागि चन्द्रपुर र गौर नगरपालिकाका साथै बारा, सर्लाही र हेटौडाबाट दमकल ल्याइएको थियो ।

आगोबाट गोदाममा रहेका सामाग्री नष्ट भएको छ भने घरमा क्षति पुगेको छ ।

आगलागीबाट रु एक करोडभन्दा बढी क्षति भएको प्रारम्भिक अनुमान गरिएको र क्षतिको विवरण संकलन भइरहेको इलाका प्रहरी कार्यालय चन्द्रपुरले जनाएको छ ।

विद्युत सर्टका कारण आगलगी भएको प्रहरीको अनुमान छ ।
सञ्जय मित्र, रौतहट

प्रतिकृया दिनुहोस