डडेल्धुरामा उपक्षेत्रीय अस्पताल स्थापना भएको तीन वर्ष बितिसक्दा पनि दरबन्दीअनुसारका विशेषज्ञ चिकित्सक नहुँदा बिरामी मर्कामा परेका छन् ।

अस्पतालमा १९ जना विशेषज्ञ चिकित्सकको दरबन्दी भएपनि हालसम्म जम्मा तीनजना मात्रै विशेषज्ञ डाक्टर रहेका छन् ।

दरबन्दीमा रहेका डाक्टर पनि अधिकांश समय बिदामा बस्ने गरेका छन् ।

विशेषज्ञ डाक्टर नहुँदा डडेल्धुरासहित ७ नं प्रदेशका अन्य जिल्लाका बिरामी उपचारका लागि धनगढी, नेपालगञ्ज र भारत समेत जान बाध्य भएका छन् ।

दरबन्दीअनुसारको डाक्टरका लागि पटक–पटक आग्रह गरेपनि सम्बन्धित निकायले चासो नदिएको उपक्षेत्रीय अस्पताल डडेल्धुराका नि.मेसु जितेन्द्र कँडेलले जानकारी दिए । रासस

प्रतिकृया दिनुहोस