अर्थ/बजारबिहिवार, माघ ११, २०७४

राईजिङ पोखरा क्रिकेट एकेडेमीलाई वृज सिमेन्टको सहयोग

हिमालखबर

वृज सिमेन्टले राईजिङ पोखरा क्रिकेट एकेडेमीलाई क्रिकेट सामग्री सहयोग गरेको छ ।

नेपाली राष्ट्रिय क्रिकेट टिमका खेलाडी शरद भेषवाकरमार्फत वृज सिमेन्टले क्रिकेट सामग्री हस्तान्तरण गरेको हो ।

भेषवाकर वृज सुपर प्रिमियम ओपिसी सिमेन्टको ब्राण्ड एम्बेसडरको रुपमा एक बर्षदेखि आवद्ध छन् ।

एक वर्ष अगाडि स्थापना भएको पोखरा राइजिङ क्रिकेट एकेडेमीमा ३० जना खेलाडीहरुले प्रशिक्षण लिइरहेका छन् ।

निजी क्षेत्रबाट यस किसिमको सहयोगले खेलकुदमा लाग्ने युवाहरुलाई हौसला हुने भेषवाकरले बताए ।

वृज सिमेन्ट उद्योगले पोर्टल्याण्ड पोजोलाना सिमेन्ट (पिपिसी) र साधारण पोर्टल्याण्ड सिमेन्ट (ओपिसी) र पोर्टल्याण्ड स्लाग सिमेन्ट (पिएससी) सिमेन्ट उत्पादन तथा विक्रीवितरण गर्दैै आइरहेको छ ।

 

प्रतिकृया दिनुहोस