समाचारआइतबार, २ पौष , २०७४

समानुपातिकको मतगणना सकियो, एमालेलाई कांग्रेसभन्दा ४५ हजार बढी

हिमालखबर

प्रतिनिधिसभा सदस्य निर्वाचन अन्तर्गत समानुपातिकतर्फको मतगणना सकिएको छ ।

निर्वाचन आयोगका अनुसार ९५ लाख ४४ हजार ७४१ सदर मतमध्ये एमालेले ३१ लाख ७३ हजार ४९४ मत प्राप्त गरेको छ ।

नेपाली कांग्रेसले एमालेभन्दा ४५ हजार १०५ कम मत प्राप्त गरेको छ । दोस्रो भएको कांग्रेसले जम्मा ३१ लाख २८ हजार ३८९ मत पाएको हो ।

माओवादी केन्द्रले १३ लाख ३ हजार ७२१ मत पाएको छ ।

त्यस्तै राजपाले ४ लाख ७२ हजार २५४,

संघीय समाजवादी फोरमले ४ लाख ७० हजार २०१,

विवेकशील साझा पार्टीले २ लाख १२ हजार ३६३,

राप्रपाले १ लाख ९६ हजार ७८२,

राप्रपा प्रजातान्त्रिकले ८८ हजार ३७७,

नयाँ शक्तिले ८१ हजार ८३७ र

राष्ट्रिय जनमोर्चाले ६२ हजार १३३ मत पाएका छन् ।

यो मत परिणाम अनुसार समानुपातिक तर्फबाट पाँच दलले मात्र प्रतिनिधिसभामा सिट पाउनेछन् ।

प्रतिकृया दिनुहोस