समाचारसोमबार, ६ जेठ , २०७६

२० लाख मूल्यको मरिच बरामद

हिमालखबर

प्रहरीले रु २० लाखभन्दा बढी मूल्यको मरिच बरामद गरेको छ ।

महोत्तरी जिल्लाको मटिहानी–७ बस्ने महेशप्रसाद साहको पसलबाट रु २० लाख २५ हजार मूल्य बराबरको कागजात नखुलेको मरिच बरामद गरेको प्रहरीले बताएको छ ।

साहको पसलमा १८ वटा बोरामा २५ किलोको दरले ४५० किलो मरिच लुकाइछिफाई राखेको अवस्थामा बरामद गरिएको हो ।

बरामद गरिएको मरिच भारत तस्करी गर्ने मनसायले राखिएको हुन सक्ने प्रहरीको प्रारम्भिक अनुमान रहेको छ ।

यस सम्बन्धमा प्रहरीले थप अनुसन्धान गरिरहेको र बरामद गरिएको मरिच जिल्ला भन्सार कार्यालय, भिट्ठामोडमा बुझाइएको छ ।

प्रतिकृया दिनुहोस