खेलकुदआइतबार, १७ चैत्र , २०७५

सन्दीपको दिल्लीको सुपर ओभरमा सनसनीपूर्ण जीत

हिमालखबर

सन्दीप लामिछाने सम्मिलित दिल्ली क्यापिटल्सले इन्डियन प्रिमियर लिग (आइपीएल) को तेस्रो प्रतिस्पर्धामा कोलकाता नाइट राइडर्सविरुद्ध सुपर ओभरमा रोमाञ्चक जीत हात पारेको छ ।

१८५ को लक्ष्य पछ्याउने क्रममा दिल्लीले आफ्ना दुई विकेट अन्तिम ओभरको अन्तिम दुई बलमा गुमाएसँगै खेल सुपर ओभरमा पुगेको थियो ।

सुपर ओभरको एक ओभरमा दिल्लीले एक विकेट गुमाउँदै १० रनमात्र जोडन सफल भयो । तर, प्रतिउत्तरमा कोलकाता एक विकेटको क्षतिमा ७ रनमै सिमित भयो ।

दिल्लीको जितमा सुपर ओभरका बलर कगिसो राबाडाले शानदार बलिङ गरे ।

यसअघि कोलकाताले आद्रे रसेलको विस्फोटक ६२ र कप्तान दिनेश कार्तिकको अर्धशतकको मद्दतले ८ विकेटको क्षतिमा १८५ रन बनाएको थियो ।

जवाफी ब्याटिङमा दिल्लीका लागि पृथ्वी शाले सर्वाधिक ९९ रनको योगदान दिए । कप्तान श्रेयश ऐय्यरले ४३ रन बनाए ।

आफ्नो पहिलो खेलमा शानदार प्रदर्शन गर्दै सन्दीपले चार ओभरमा २९ रनको किफायती बलिङ गर्दै एक विकेट लिएका थिए । आफ्नै बलिङमा अर्का एक ब्याट्समेनलाई रन आउट बनाएका थिए ।

सन्दीपले पूरै खेल अवधीमा सर्वाधिक किफायती बलिङ प्रदर्शन गरे ।

जितको नजिक पुगेको दिल्लीले अन्तिमको १५ रनमा ७ विकेट गुमाएको थियो ।

 

प्रतिकृया दिनुहोस