नयनराज पाण्डेको ‘यार’लाई पद्मश्री साहित्य पुरस्कार
वि.सं. २०७४ सालको ‘पद्मश्री साहित्य पुरस्कार’ लेखक नयनराज पाण्डेको संस्मरणात्मक कृति ‘यार’ लाई प्रदान गरिने भएको छ ।
त्यस्तै ‘पद्मश्री साधना सम्मान’ साहित्य साधक डा. तारानाथ शर्मालाई प्रदान गरिने भएको छ ।
‘पद्मश्री साहित्य पुरस्कार’ वर्षभरि प्रकाशित साहित्यिक कृतिमध्ये एक उत्कृष्ट कृतिलाई र ‘पद्मश्री साधना सम्मान’ साहित्य, कला, संस्कृतिको क्षेत्रमा विशिष्ट योगदान दिने व्यक्तिलाई प्रदान गरिन्छ ।
‘यार’ मार्फत लेखक पाण्डेले साथीको माध्यमबाट नेपाली समाज, साहित्य र कलाका साथै सामाजिक मनोदशालाई कलात्मक ढंगले प्रस्तुत गरेका छन् ।
त्यसैगरी, डा. शर्माले छ दशकदेखि नियात्रा, निबन्ध, समालोचना, आख्यान र अनुवादमा योगदान दिइरहेका छन् ।
खेमलाल–हरिकला लामिछाने समाज कल्याण प्रतिष्ठानले प्रदान गर्ने दुवै पुरस्कारको राशी दुई–दुई लाख रहेको छ ।
पुरस्कार आगामी कोजाग्रत पूर्णिमाको दिन अर्पण गरिने जनाइएको छ ।
-1732261651.jpg)
-1732259528.jpg)