'पद्मावत' पछि दीपिकालाई भन्सालीकै अर्को फिल्ममा मौका
अभिनेत्री दीपिका पादुकोण सञ्जय लीला भन्सालीको नयाँ फिल्ममा देखिने खबर पछिल्लो समय बलिउडमा चर्चामा छ । उनले भन्सालीले नै निर्देशन गरेको 'पद्मावत' पछि कुनै फिल्ममा साइन गरेकी छैनन्।
चर्चामा आए अनुसार भन्सालीले निर्माण गर्ने फिल्म ‘इंशाअल्लाह’ मा उनी सलमान खानसँग देखिनेछिन्। भन्साली अहिले उक्त फिल्मको स्क्रिप्ट लेखनमा व्यस्त रहेको र काम पूरा भए लगत्तै कलाकारको घोषणा गरिने जनाइएको छ।
सुरुवाती अवस्थामा ‘इंशाअल्लाह’ नाम राखिएको उक्त फिल्मको निर्माण आगामी वर्ष सुरु हुनेछ। यस फिल्मको प्रसंगमा सलमानले 'रेस ३' को प्रचारप्रसारका क्रममा आफू पनि फिल्मको हिस्सा रहेको बताएका थिए। यद्यपि आधिकारिक रुपमा कुनै जानकारी आएको छैन।
सूत्रका अनुसार, 'दीपिका र भन्सालीबीच राम्रो मित्रता भएको र उनीहरुले एकसाथ केही फिल्म गरेकोले उनले नयाँ फिल्म पनि पक्कै गर्नेछिन्।' यो फिल्म २०२० सम्ममा रिलिज गरिने बताइएको छ।
दीपिकाले अहिलेसम्मको फिल्मी करिअरमा सलमानसँग काम गरेकी छैनन्। त्यसो त उनलाई सलमानको ‘किक’ र ‘सुल्तान’ मा अभिनय गर्न प्रस्ताव गरिएको थियो। तर, उनले दुवै फिल्म गरिनन्।
दीपिकाले रणवीर सिंहसँग यसै वर्षको २० नोभेम्बरमा विवाह गर्ने खबर यसअघि नै आइसकेको छ। – एजेन्सी
-1732261651.jpg)
-1732259528.jpg)