रणवीर सिंह रहेको 'तख्त' रणवीर कपूरले गरे अस्वीकार
करण जौहरको ड्रिम प्रोजेक्ट 'तख्त' फिल्ममा रहने कलाकारहरुको घोषणा भइसकेको छ। पिरियड ड्रामा यस फिल्मको कलाकारको सूचीमा रणवीर सिंह, करिना कपूर खान, आलिया भट्ट, विक्की कौशल, भूमि पेडनेकर, जाह्नवी कपूर र अनिल कपूरको नाम रहेको छ।
यो सूचीमा रणवीर कपूरको नाम पनि समेटिन लागे पनि उनले काम गर्न अस्वीकार गरेको खबर छ। भारतीय सञ्चार माध्यम अनुसार, 'तख्त'का लागि करण जौहरले रणवीर कपूरलाई रणवीर सिंहको भाइको भूमिकाको प्रस्ताव गरेका थिए। तर, उनी फिल्मको हिस्सा बन्न तयार भएनन्।
रणवीरलाई फिल्मको स्क्रिप्ट मन परे पनि काम गर्न भने अस्वीकार गरे। पछि उक्त भूमिका विक्की कौशललाई दिइयो। रणवीरले उक्त रोलमा काम गर्न किन मानेनन् भन्ने कारण खुलेको छैन।
रणवीर कपुर पछिल्लो समय अयान मुखर्जीको फिल्म 'ब्रह्मास्त्र' को सुटिङमा व्यस्त छन्। यसपछि उनी यशराज फिल्म्सको 'शमशेरा' फिल्ममा व्यस्त हुनेछन्।
'तख्त' मा रणवीर सिंह र करिना कपूर पहिलोपल्ट एकसाथ काम गर्दै छन्। यसका साथै अनिल कपूर र उनका भतिजी जाह्नवी कपूर पनि पहिलोपल्ट सँगै देखिनेछन्। पिरियड ड्रामा निर्देशन करण जौहरका लागि पनि पहिलो हुनेछ । उनले अहिलेसम्म रोमान्टिक र पारिवारिक फिल्महरु निर्देशन गरेका छन्। – एजेन्सी
-1732261651.jpg)
-1732259528.jpg)