मुम्बईमा अर्को अभिनेताको गाडीबाट तीन घाइते
मुम्बई (एजेन्सी)– टिभी अभिनेता सिद्धार्थ शुक्लाको बिएमडब्लु कारको ठक्करले शनिबार तीन जना घाइते भएका छन्। गाडी सिद्धार्थ आफैले चलाएका थिए। उनले गाडी नशामा चलाएको बताइएको छ। घटना मुम्बईस्थित ओसिवारा क्षेत्रमा भएको थियो। स्थानीयका अनुसार तीब्र गतिमा आएको गाडी डिवाइडरमाथि चढेको थियो।
प्रहरीले घटनास्थलबाटै सिद्धार्थलाई पक्राउ गरेको बताएको छ। दुर्घटनामा सिद्धार्थलाई पनि चोट लागेको र उनलाई अस्पतालमा भर्ना गरिएको प्रहरीले जनाएको छ। सिद्धार्थ टिभी सिरियल ‘बालिका बधु’ बाट निकै चर्चित बनेका थिए। उनले ‘बाबुलका आगन छुटे ना’ मा पनि काम गरे। उनी बलिउड फिल्म ‘हम्प्टी शर्माकी दुल्हनिया’ मा अंगदको रोलमा देखा परेका थिए।
मुम्बईको सडकमा सलमान खानले पनि नशाको अवस्थामा गाडी डिवाइडरभन्दा माथि चढाएका थिए। यतिबेला फुटपाथमा सुतेका व्यक्तिहरूको ज्यान गएको थियो। सिद्धार्थको यो दोस्रो सडक दुर्घटना हो। सन् २०१४ मा पनि यस्तै घटना भएको थियो।
-1732261651.jpg)
-1732259528.jpg)