नेपाली फिल्म ‘द स्पोन्सर’ मंसीरमा
.jpg)
.jpg?1475409453672)
प्रणय लिम्बू निर्देशित चलचित्र ‘द स्पोन्सर’को एक्रेलिक पेन्टिङ पोस्टर आइतवार, १६ असोजमा अनामनगरस्थित मण्डला थिएटरमा अनावरण गरिएको छ । चित्रकार साजिद शाक्यले उक्त पोस्टर अनावरण गरेका हुन् ।
आगामी मंसीरमा प्रदर्शन हुने यो चलचित्र अघि लिम्बूले ‘इतिहास जित्नेहरुका लागि’ वृत्तचित्र बनाएका थिए ।
आरबिए फिल्म्सको व्यानरमा निर्माण भएकोे ‘द स्पोन्सर’ रुद्रबहादुर गुरुङले निर्माण गरेका हुन् ।
तीन घण्टा लामो चलचित्र पूर्वी नेपालको सप्तकोसी किनारमा बस्ने टुहुरी बालिका कौशिकीको वरिपरि घुमेको छ । माछा मारेर जीविका धान्ने पारिवारिक पृष्ठभूमिकी कौशिकीको अमेरिका पुग्ने सपनालाई चलचित्रमा देखाइने छ ।
चलचित्रमा प्रविण खतिवडा, ग्रीष्मा नेपाल, कामेश्वर चौरासिया, एलिना श्रेष्ठ, रेखा कर्ण, रमेशरञ्जन झा, रामभजन कामत र सुरेश नेपाललगायतकोे अभिनय छ ।
द स्पोन्सरको प्रिमियर आगमी मंसीर दोस्रो साता हङकङस्थित युन लङ थिएटरमा हुने निर्माता गुरुङले वताए । पोड आर्ट सोसाइटी, हङकङको आयोजनामा हुने प्रिमियरमा नेपालीका साथै चिनिया फिल्मकर्मीसमेत उपस्थित हुने उनले जानकारी दिए ।
-1732261651.jpg)
-1732259528.jpg)