जुम्ला प्रदेश 'ख' मा एमालेका रोकाया निर्वाचित
जुम्ला प्रदेश खमा एमालेका उम्मेदवार पदमबहादुर रोकाया निर्वाचित भएका छन् ।
रोकायाले १०,४५८ मत प्राप्त गरी निर्वाचित भए भने उनका निकटतम प्रतिद्वन्द्वी नेपाली कांग्रेसका भीमनिधि हमालले ५,२८० मत प्राप्त गरेका छन् ।
रोकाया २०७० सालको दोस्रो संविधानसभा सदस्य निर्वाचनमा कांग्रेसका ललितजंग शाहीबाट ५०० मतले पराजित भएका थिए ।
२७,३४४ मत रहेको सो क्षेत्रमा १७,८२७ मत खसेको थियो । खसेको कूल मतमा ५४४ मत बदर भएको मुख्य निर्वाचन अधिकृत प्रकाश ढुंगानाले जानकारी दिए ।
२०१० असार १० गते साविकको पाण्डवगुफा ४ सिंजा जुम्लामा जन्मेका रोकायाले जुम्ला बहुमुखी क्याम्पसबाट प्रवीणता प्रमाणपत्र तह उत्तीर्ण गरेका छन् ।
-1733989667.jpg)
-1732855345.JPG)