धादिङमा जन्ती बस दुर्घटना, एकको मृत्यु
पृथ्वी राजमार्गस्थित धादिङको गल्छी गाउँपालिका-६ बैरेनीबजारमा आइतबार बिहान बस दुर्घटना हुँदा एक जनाको मृत्यु भएको छ भने ४० घाइते भएका छन्।
नुवाकोटको बाँसगडीबाट विवाहको जन्ती लिएर अमलेखगञ्जतर्फ जाँदै गरेको बा२ख ६२६८ नम्बरको बस सडकको खाल्डो छल्न लाग्दा दुर्घटना भएको थियो। दुर्घटनामा नुवाकोट जिल्ला बेलकोटगढी नगरपालिका-५ की १४ वर्षीया डोल्मा तामाङको घटनास्थलमै मृत्यु भएको जिल्ला प्रहरी कार्यालयका प्रहरी प्रमुख प्रहरी उपरीक्षक राजकुमार वैदवारले बताए।
दुर्घटनामा घाइते भएका ४० जनामध्ये गम्भीर अवस्थाका १७ जनालाई थप उपचारका लागि काठमाडौं ट्रमा सेन्टर पठाइएको छ। अन्य २३ जनाको बैरेनी र गल्छीमा रहेका स्वास्थ्य केन्द्रहरुमा उपचार भइरहेको प्रहरीले जनाएको छ।
-1732261651.jpg)
-1732259528.jpg)