भरतपुरमा स्कुटर दुर्घटना हुँदा एकको मृत्यु
चितवनको भरतपुर महानगरपालिका–७ तेह्रसालचोकमा आइतबार बिहान स्कुटर दुर्घटना हुँदा चालकको मृत्यु भएको छ। स्कुटरमा पछाडि सवार एक जना गम्भीर घाइते भएका छन्।
गीतानगरबाट भरतपुरतर्फ आउँदै गरेको ना५९प ३३७० नम्बरको स्कुटर बिहान ३:५० बजे तेह्रसालचोकमा अनियन्त्रित भई पल्टिंदा भरतपुर महानगरपालिका–११ का २६ वर्षीय सुवास तामाङको मृत्यु भएको जिल्ला प्रहरी कार्यालय चितवनले जनाएको छ।
घाइते भएका रत्ननगर नगरपालिका–६ की २० वर्षीया पूजा सुनारको चितवन मेडिकल कलेजमा उपचार भइरहेको छ।
सुनारको अवस्था गम्भीर रहेको प्रहरीले जनाएको छ।
-1732261651.jpg)
-1732259528.jpg)