सिनो हाइड्रोसँग मेलम्ची ‘हेडवर्क्स’को सम्झौता
मेलम्ची खानेपानी विकास समितिले मुहानस्थित ‘हेडवर्क्स’ निर्माणका लागि ठेक्का सम्झौता गरेको छ ।
सुरुङको बाँकी काम गर्ने ठेक्का पाएको चिनियाँ निर्माण कम्पनी सिनो हाइड्रो नै 'हेडवर्क्स’ निर्माणका लागि छनोट भएको समितिका सूचना अधिकारी वरिष्ठ डिभिजनल इञ्जिनीयर राजेन्द्रप्रसाद पन्तले जानकारी दिए ।
निर्माण कम्पनीले १५ महीनामा 'हेडवर्क्स’को काम सक्ने गरी समय दिइएको उनले बताए। 'हेडवर्क्स’ निर्माणको लागत रु एक अर्ब दुई करोड हुनेछ ।
कम्पनीले १५ दिनमा स्थलगत अध्ययन गरी काम शुरु गर्ने गरी ठेक्का सम्झौता भएको छ । इटालियन निर्माण कम्पनी सीएमसीले गत वर्ष काम छोडेर हिँडेपछि ठेक्का सम्झौता रद्द गरी सिनो हाइड्रोलाई नै सुरुङको बाँकी काम गर्ने गरी छनोट गरिएको थियो ।
सुरुङको बाँकी कामका लागि भने रु ७५ करोडमा सम्झौता भएको छ । राजधानीमा बहुप्रतिक्षित मेलम्चीको पानी ल्याउने मिति पटकपटक सर्दै आएको छ ।
-1732261651.jpg)
-1732259528.jpg)