जीप दुर्घटनामा १४ जना घाइते
जुम्लाको पातारासी गाउँपालिकामा जीप दुर्घटना हुँदा १४ जना घाइते भएका छन् ।
जुम्ला बजारदेखि पातारासीको लासीबजारतर्फ जाँदै गरेको रा१ज ६२४ नंको जीप शनिबार पातारासी–५ को पानीधारा लम्केनीमा दुर्घटना भएको हो ।
घाइतेमध्ये दुई जनाको अवस्था गम्भीर रहेको डिल्लीचौर प्रहरी चौकीका प्रहरी हवल्दार गणेश बोहोराले जानकारी दिए ।
जीपमा २५ जना सवार थिए । घाइतेलाई उपचारका लागि कर्णाली स्वास्थ्य विज्ञान प्रतिष्ठान लगिएको छ । जीप चालक फरार छन् ।
-1732261651.jpg)
-1732259528.jpg)