लुटपाटमा संलग्न दुई किशोर पक्राउ
सुनसरीको धरान उपमहानगरपालिका ७ मा मंगलबार राति १०ः१५ बजे एक युवकको मोबाइल र सिक्री लुटेर भागेका स्थानीय अमन तामाङ (१८) लाई प्रहरीले पक्राउ गरेको छ ।
दुई किशोरले राति एक युवकलाई छेकेर सामसुङ मोवाइल र चाँदीको सिक्री लुटेर भाग्ने क्रममा तामाङ पक्राउ परेका हुन् । तामाङको साथबाट मोवाइल र सिक्री बरामद भएको छ ।
उनीसँगै रहेका अर्का व्यक्ति भनें भाग्न सफल भएको वडा प्रहरी कार्यालय धरानले जनाएको छ । फरारको खोजी भइरहेको इलाका प्रहरी कार्यालय धरानका नायब उपरीक्षक ढुण्डीराज न्यौपानेले बताए ।
यस्तै मंगलबार साँझ झापाको बाह्रदशी गाउँपालिका ३ राजगढ बजारमा तरकारी किन्दै गरेकी स्थानीय एक महिलाले घाँटीमा लगाएको सुनको सिक्री थुतेर भाग्दै गरेका किशोर पक्राउ परेका छन् ।
सिक्री लुटेर भागेका इटहरीका १६ वर्षीय बालक इलाका प्रहरी कार्यालय राजगढबाट खटिएको प्रहरी टोलीले पक्राउ गरेको प्रदेश प्रहरी कार्यालयले जनाएको छ ।
-1732180391.jpg)
-1732099242.jpg)