देशभरका शिक्षक काठमाडौंको सडकमा (तस्वीरहरू)

विद्यालय शिक्षा ऐन जारी गर्नुपर्ने माग राखेर आन्दोलनमा उत्रिएका शिक्षकले बुधबार काठमाडौंमा प्रदर्शन गरेका छन्।

नेपाल शिक्षक महासंघको अगुवाइमा देशभरका शिक्षक काठमाडौं पुगेका हुन्। उनीहरू चरणबद्ध आन्दोलनमा छन्। त्यसैक्रममा बुधबार काठमाडौंमा प्रदर्शन गरेका हुन्।

उनीहरूले स्थायी, राहत, साविक उच्च मावि, अस्थायी, करार, बालविकास, सिकाइ अनुदान, विशेष शिक्षा, प्राविधिक धार, निजी तथा संस्थागत विद्यालयका शिक्षक लगायत सबैखाले शिक्षक र विद्यालय कर्मचारी लगायतका समस्यालाई विद्यालय शिक्षा विधेयकमा समेटिनुपर्ने माग गरेका छन्।

यसअघि शिक्षकसँग भएको सहमति कार्यान्वयन गर्न पनि उनीहरूले माग गरेका छन्। माग पूरा नभएसम्म आन्दोलन जारी राख्ने महासंघले जनाएको छ।