बैतडीमा जीप दुर्घटना, दुई किशोरीको मृत्यु
बैतडीको सिगास गाउँपालिका-१, माडौंमा जीप दुर्घटना हुँदा दुई जनाको मृत्यु भएको छ भने चार जना घाइते भएका छन्।
दुर्घटनामा सिगास गाउँपालिका-१ का १४ वर्षीया जयन्ती धामी र १९ वर्षीया पार्वती धामीको मृत्यु भएको जिल्ला प्रहरी कार्यालय, बैतडीले जनाएको छ।
दुर्घटनामा घाइते भएका दुवै जनालाई उपचारका लागि डडेल्धुरा अस्पताल पुर्याइएकाे थियो। उपचारका क्रममा दुवै जनाको मृत्यु भएको प्रहरीले जनाएको छ।
दुर्घटनामा सिगास-१, इरानाकी ४० वर्षीया तुलसी धामी, १६ वर्षीया नीरा धामी, १८ वर्षीया कमला धामी र १४ वर्षीया धौली धामी घाइते छन्। डडेल्धुरा अस्पतालमा उनीहरूको उपचार भइरहेको छ।
