फाइनलमा सुदूरपश्चिमका सैफको अर्धशतक
नेपाल प्रिमियर लिग (एनपीएल)को फाइनलमा सुदूरपश्चिम रोयल्सका सैफ जैबले अर्धशतक प्रहार गरेका छन्।
कीर्तिपुरस्थित त्रिवि क्रिकेट मैदानमा पहिले ब्याटिङ गरेको सुदूरपश्चिमका लागि सैफले ३३ बलमा अर्धशतक प्रहार गरेका हुन्। उनले पाँच चौका र दुई छक्का प्रहार गरे।
एनपीएलमा यो उनको दोस्रो अर्धशतक हो। अहिलेसम्म उनले २६५ रन बनाइसकेका छन्। एनपीएलमा सबैभन्दा बढी रन बनाउनेमा उनी तेस्रो नम्बरमा छन्।
पहिलो नम्बरमा रहेका रवि बोपाराले २८६ रन र दोस्रो नम्बरमा रहेका रोहित पौडेलको २७९ रन छ।
सैफले सुदूरपश्चिमका लागि ६९ रन बनाए। जनकपुरका ललित राजवंशीले आउट गर्नुअघि उनले आठ चौका र दुई छक्का प्रहार गरे।
पहिलो विकेटका लागि सैफ र विनोद भण्डारीले ११७ रनको साझेदारी गरे। सुदूरपश्चिमले १२ ओभरमा सैफको विकेट गुमाएको हो।
