टस जितेर ब्याटिङ गर्दै सुदूरपश्चिम
नेपाल प्रिमियर लिग (एनपीएल)को फाइनल खेलमा सुदूरपश्चिम रोयल्सले पहिले ब्याटिङ गर्दै छ।
कीर्तिपुरस्थित त्रिवि क्रिकेट मैदानमा टस जितेर सुदूरपश्चिमका कप्तान दीपेन्द्रसिंह ऐरीले ब्याटिङ रोजेका छन्। टस जितेपछि ऐरीले भने, “पहिले ब्याटिङ गरेर १६० रन बनाउने लक्ष्य राखेका छौं।”
जनकपुर बोल्ट्सका कप्तान आसिफ शेखले पनि टस जितेको भए पहिले ब्याटिङ रोज्ने बताए। सुदूरपश्चिमलाई १७० रनभित्रै रोक्ने प्रयास गर्ने उनको भनाइ छ।
फाइनल खेलका लागि दुवै टोलीले खेलाडी परिवर्तन गरेका छैनन्। क्वालिफायरमा खेलेका खेलाडी नै ‘प्लेइङ-११’ मा छन्।
सुदूरपश्चिमको टोलीमा सैफ जैब, विनोद भण्डारी, ब्रान्डन म्याकमुलन, दीपेन्द्रसिंह ऐरी, नरेश बुढाएर, इशान पाण्डे, आरिफ शेख, हरमित सिंह, स्कट कुगेलिन, अविनाश बोहरा र नरेन साउद छन्।
त्यस्तै, जनकपुरको टोलीमा आसिफ शेख, लाहिरु मिलन्था, हर्ष थाकर, शुभ कंसाकार, जेम्स निशम, मोहम्मद मोहसिन, आकाश त्रिपाठी, मयन यादव, शेर मल्ल, ललित राजवंशी र किशोर महतो छन्।
यो पनि पढ्नुहोस् : एनपीएल फाइनलमा पूर्व र पश्चिमको भेट
