चितवनसँग सुदूरपश्चिम पराजित
चितवन राइनोजले सुदूरपश्चिम रोयल्सलाई फराकिलो अन्तरले पराजित गरेको छ।
नेपाल प्रिमियर लिग (एनपीएल) अन्तर्गत आइतबारको खेलमा चितवनले सुदूरपश्चिमलाई ३३ रनले पराजित गरेको हो। चितवनले दिएको १६५ रनको लक्ष्य पछ्याउने क्रममा सुदूरपश्चिम १३१ रनमै समेटियो।
सुदूरपश्चिमका लागि इशान पाण्डेले ३५, सैफ जैबले १८, स्कट कगेलिनले १६, ब्रान्डन म्याकमुलनले १३ र दिलप्रित बज्वाले १२ रन बनाए। चितवनका लागि रिजन ढकाल, कुशल मल्ल, निकाले लोफ्टि इल्टोन र अमर रौटेलाले दुई–दुई तथा सोहेल तनवीर र रञ्जित कुमारले एक–एक विकेट लिए।
यसअघि ब्याटिङ गरेको चितवनले पाँच विकेटको क्षतिमा १६४ रन बनाएको थियो। चितवनका लागि हसन इसाखिलले अर्धशतक प्रहार गरे। उनले ५२ बलमा ६ चौका र तीन छक्काको मद्दतले ६५ रन बनाए। त्यस्तै, रवि बोपाराले ३६, विपिन रावलले १७ र कुशल मल्लले १३ रन बनाए।
सुदूरपश्चिमका लागि स्कट कगेलिनले दुई, ब्रान्डन म्याकमुलन, दीपेन्द्रसिंह ऐरी र सैफ जैबले एक–एक विकेट लिए। यसअघि भएको खेलमा जनकपुर बोल्ट्सले लुम्बिनीलाई पराजित गरेको थियो।
