रोमाञ्चक खेलमा कर्णालीको पहिलो जित
चितवन राइनोजसँगको रोमाञ्चक खेलमा कर्णाली याक्सले पहिलो जित हासिल गरेको छ।
नेपाल प्रिमियर लिग (एनपीएल) अन्तर्गत शुक्रबार त्रिवि क्रिकेट मैदानमा भएको खेलमा कर्णालीले चितवनलाई अन्तिम ओभरमा ६ विकेटले पराजित गरेको हो। चितवनले दिएको १३१ रनको लक्ष्य कर्णालीले चार विकेटको क्षतिमा १९.५ ओभरमा पूरा गरेको छ।
कर्णालीका लागि शिखर धवनले ४५, चडविक वाल्टनले ३०, देव खनालले २५, जीशन मक्सूदले १२ र अर्जुन बिटालुले ११ रन बनाए। चितवनका लागि कुशल मल्ल, निकोल लोफ्टिई इटोन र रवि बोपाराले एक-एक विकेट लिए।
पहिले ब्याटिङ गरेको चितवनले सात विकेटको क्षतिमा १३० रन बनाएको थियो। चितवनका लागि रवि बोपाराले अर्धशतक बनाए। उनले ४० बलमा सात चौका र एक छक्काको मद्दतले ५९ रन बनाए।
त्यस्तै, कुशल मल्लले २३ र विपिन रावलले ११ रन बनाए। अन्य खेलाडी चल्न सकेनन्।
कर्णालीका लागि विपिन शर्माले तीन, जीशन मक्सूदले दुई, सोमपाल कामी र नन्दन यादवले एक-एक विकेट लिए।
आजै अर्को खेलमा लुम्बिनी लायन्स र पोखरा एभेन्जर्स प्रतिस्पर्धा गर्दै छन्।
