स्वामीकार्तिकको उपाध्यक्षमा एमालेकी भण्डारी विजयी
बाजुराको स्वामीकार्तिक खापर गाउँपालिका उपाध्यक्षमा नेकपा (एमाले)की सुलोचनाकुमारी भण्डारी विजयी भएकी छन्।
मंसीर १६ मा सम्पन्न उपनिर्वाचनमा भण्डारी एक हजार ७४० मत प्राप्त गरी विजयी भएको मुख्य निर्वाचन अधिकृत सञ्जीव पोखरेलले बताए। भण्डारीकी निकटतम प्रतिद्वन्द्वी नेपाली कांग्रेसकी पुल्तिसरा शाहीले एक हजार ४७४ प्राप्त गरिन्। कुल सात हजार ४६० मतदातामध्ये तीन हजार ९०३ मत खसेको थियो।
निर्वाचित भण्डारी २०७९ सालको स्थानीय तहको निर्वाचनमा कांग्रेसकी मैनादेवी जोशीसँग पराजित भएकी थिइन्। गाउँपालिकाकी तत्कालीन उपाध्यक्ष जोशीको २०८० माघ ४ गते निधन भएपछि यहाँ उपनिर्वाचन भएको हो।
