पहिरोमा पुरिएर ललितपुरमा चार जनाको मृत्यु
अविरल वर्षासँग आएको पहिरोमा पुरिएर ललितपुरमा चार जनाको मृत्यु भएको छ।
ललितपुरको टाहाखेलमा दुई जनाको र गोदावरी नगरपालिका-३, टौखेलमा दुई जनाको मृत्यु भएको जिल्ला प्रहरी परिसर, ललितपुरले जनाएको छ। गोदावरी नगरपालिका-१० का वडाध्यक्ष शेखर न्यौपानेका अनुसार टाहाखेलमा पहिरोले पुरिएर ५० वर्षीया महिला र आठ वर्षीया बालिकाको मृत्युु भएको छ।
त्यस्तै, गोदावरी-३ का वडाध्यक्ष सानुराजा घिमिरेले गोदावरी-३ टौखेलमा ढिस्कोले पुरिएर बाबु र छोरीको मृत्यु भएको जानकारी दिए। उनका अनुसार गोदावरी कुण्ड नजीकैको घर पहिरोको उच्च जोखिममा छ।
महांकाल गाउँपालिका-३ मा तीन वटा घर सहित प्रहरी चौकी बाढीले बगाएको महांकाल-३ गोटिखेलका वडाध्यक्ष मनोजकुमार पराजुलीले बताए। “वैतरणीधाम मन्दिर र प्रहरी चौकी बगाएको छ, चौकीका सवारीसाधन सहित तीन वटा घर पनि बगेका छन्,” उनले भने।
बागमती गाउँपालिका-३ स्थित भट्टेडाँडा प्रहरी चौकीका प्रमुख उद्धव महतका अनुसार कान्ति लोकपथ पूर्ण रूपमा बन्द भएको छ। “बागमती पुलमा क्षति भएको छ, खानीखोला हाइड्रोपावर डुबानमा परेको छ,” उनले भने।
-1732180391.jpg)
-1732099242.jpg)
