प्रहरी हिरासतबाट नौ थुनुवा भागे, एक पक्राउ
जिल्ला प्रहरी कार्यालय, धनुषाको हिरासतबाट नौ जना थुनुवा भागेका छन् भने एक जनालाई पक्राउ गरिएको छ।
लागूऔषध कारोबार र अभद्र व्यवहार कसूरमा पक्राउ परेका नौ जना आइतबार बिहान करीब साढे ३ बजे भागेका हुन्। उनीहरू थुनुवा कक्षको भेन्टिलेटर फोडेर भागेको जिल्ला प्रहरी कार्यालयका प्रहरी नायब उपरीक्षक रञ्जन अवालेले बताए।
थुनुवा कक्षबाट भागेकामध्ये एक जनालाई सोमबार बिहान पक्राउ गरिएको अवालेले जानकारी दिए। अन्य थुनुवाको खोजी भइरहेको छ। राजमार्ग र आसपासको क्षेत्रमा प्रहरी टोली परिचालन गरिएको उनले बताए।
भागेका थुनुवामा लागूऔषध कारोबार कसूरमा पक्राउ परेका अमितकुमार झा, रञ्जित मण्डल, रोशनकुमार मण्डल, भास्करकुमार यादव र विशाल मुखिया छन्।
त्यस्तै, अभद्र व्यवहार कसूरमा पक्राउ परेका सुमित मेस्तर, मनीष मण्डल र बिकी कार्की छन्। सुमित नाबालक रहेको प्रहरीले जनाएको छ।
-1732099242.jpg)
-1732097316.jpg)
