एनसेलले पलेशालाई १० लाख पुरस्कार दिने
पेरिस पारालिम्पिक्समा पदक जित्न सफल पारा तेक्वान्दो खेलाडी पलेशा गोवर्धनलाई एनसेलले १० लाख रुपैयाँ सहित सम्मान गर्ने भएको छ।
एनसेलले राष्ट्रिय पारालिम्पिक कमिटी (एनपीसी), नेपालसँग सहकार्य गर्दै आएको छ। त्यसै अनुरूप पलेशालाई सम्मान गर्न लागिएको जनाएको छ।
पलेशासँगै अन्य सहभागी पारा खेलाडी तथा प्रशिक्षकलाई थप १० लाख पुरस्कार सहित सम्मान गरिने एनसेलले जनाएको छ। एनसेलले गत वर्षदेखि एनपीसीसँग नेपाली पारा खेलाडीको समग्र तालीम र विकासका लागि सहयोग प्रदान गर्दै आएको छ।
एनसेलका प्रमुख कार्यकारी अधिकृत तथा प्रबन्ध निर्देशक जाब्बोर कायुमोभले पलेशाको ऐतिहासिक उपलब्धि राष्ट्रिय गौरव भएको बताए। एनपीसीसँगको सहकार्यमा पलेशा जस्ता च्याम्पियन र पारा खेलाडीको प्रेरणा बनेर हौसला प्रदान गर्दै सहयोग जारी राख्ने जाब्बोरले प्रतिबद्धता जनाएका छन्।
-1732175085.png)
-1732099242.jpg)
-1732097316.jpg)
