प्रतिस्पर्धात्मक खेलमा नेपाललाई हराउँदै भारतले जित्यो उपाधि
नेपाललाई २-३ सेटले हराउँदै भारतले काभा वुमन्स नेशन्स लिगको उपाधि जितेको छ।
काठमाडौंमा बुधबार भएको फाइनलको पहिलो सेट नेपालले २५-२३ अंकले आफ्नो पक्षमा पार्यो। दोस्रो सेट भारतले २५-१४ ले आफ्नो पक्षमा पार्यो।
तेस्रो सेट २२-२५ ले जितेर नेपालले २-१ को अग्रता बनायो। तर चौथो सेट २५-२२ ले जित्दै भारतले खेल बराबरी गर्यो।
पाँचौं सेटमा नेपाललाई ५-१५ अंकले पराजित गर्दै भारतले उपाधि चुमेको हो। समूह चरणमा भने नेपालले भारतलाई ३-२ सेटले हराएको थियो।
तेस्रो स्थानका लागि आजै भएको खेलमा इरानले श्रीलंकालाई पराजित गर्यो। सेमिफाइनलमा नेपालले इरान र भारतले श्रीलंकालाई पराजित गरेको थियो।
पाँच देश सहभागी प्रतियोगितामा माल्दिभ्स समूह चरणबाट बाहिरिएको थियो।
पाँच वर्ष पहिले काठमाडौंमा सम्पन्न दक्षिणएशियाली खेलकूद अन्तर्गत महिला भलिबलतर्फको स्वर्ण पदक नेपाललाई हराएर भारतले जितेको थियो।
-1732180391.jpg)
-1732099242.jpg)
-1732097316.jpg)
