पिकअप भ्यानले मोटरसाइकललाई ठक्कर दिंदा दुई युवकको मृत्यु
पिकअप भ्यानले मोटरसाइकललाई ठक्कर दिंदा झापामा दुई युवकको मृत्यु भएको छ।
हल्दिबारी-५ स्थित हुलाकी राजमार्गमा पिकअप भ्यानले मोटरसाइकललाई ठक्कर दिएको प्रहरीले जनाएको छ। जिल्ला ट्राफिक कार्यालयका प्रहरी नायब निरीक्षक पूर्णप्रसाद गौतमका अनुसार मोटरसाइकल चालक हल्दिबारी गाउँपालिका-५ का ३१ वर्षीय प्रेम प्रसाईं र सुनसरीको बराहक्षेत्र नगरपालिका-१० प्रकाशपुरका डिकेस कार्कीको मृत्यु भएको हो।
दुर्घटनामा गम्भीर घाइते भएका दुवै जनालाई बिर्तामोडस्थित बीएन्डसी अस्पतालमा लगिएको थियो। अस्पताल पुर्याए लगत्तै चिकित्सकले दुवै जनालाई मृत घोषणा गरेको गौतमले बताए।
गाडी चालक भद्रपुर नगरपालिका-२ का ३७ वर्षीय दिपेन राईलाई प्रहरीले नियन्त्रणमा लिएको छ। घटनाबारे थप अनुसन्धान भइरहेको प्रहरीले जनाएको छ।
-1732180391.jpg)
-1732099242.jpg)