पेट्रोल, डिजेल र मट्टीतेलको मूल्य घट्यो
नेपाल आयल निगमले बिहीबारदेखि लागू हुने गरी पेट्रोलियम पदार्थको मूल्य घटाएको छ।
निगमले खुद्रा बिक्री मूल्यमा पेट्रोलमा प्रतिलिटर एक रुपैयाँ, डिजेल र मट्टीतेलमा दुई रुपैयाँ घटाएको छ। हवाई इन्धनको मूल्य भने यथावत् छ।
यसअघि चारआली, विराटनगर, जनकपुर, अमलेखगन्ज, भलबारी, नेपालगन्ज, धनगढी र वीरगन्जमा पेट्रोलको मूल्य प्रतिलिटर १६८ रुपैयाँ थियो भने आजदेखि १६७ रुपैयाँ कायम गरिएको छ।
यसैगरी, सुर्खेत र दाङ क्षेत्रमा पेट्रोलको मूल्य १७० रुपैयाँ थियो भने अब १६९ रुपैयाँ कायम भएको छ। त्यस्तै, पोखरा, काठमाडौं र दिपायल क्षेत्रमा १७१ रुपैयाँ थियो भने आजदेखि १७० रुपैयाँ कायम गरिएको निगमले जनाएको छ।
त्यस्तै, डिजेल र मट्टीतेलको मूल्य पनि चारआली, विराटनगर, जनकपुर, अमलेखगन्ज, भलबारी, नेपालगन्ज, धनगढी र वीरगन्ज क्षेत्रमा १५७ रहेकामा अहिले १५५ रुपैयाँ कायम भएको छ।
यसैगरी, सुर्खेत र दाङ क्षेत्रमा १५९ रुपैयाँ रहेकामा घटेर १५७ रुपैयाँ पुगेको छ। त्यस्तै, पोखरा, काठमाडौं, दिपायल क्षेत्रमा १६० रुपैयाँ रहेकामा घटेर १५८ रुपैयाँ पुगेको निगमले जनाएको छ।
-1732175085.png)
-1732099242.jpg)
-1732097316.jpg)
