इखुवा खोलाको बाढीले बगाउँदा दुई जना बेपत्ता
अविरल वर्षासँगै भोजपुरको इखुवा खोलामा आएको बाढीले बगाउँदा दुई जना हराइरहेका छन्।
उत्तरी भोजपुरको साल्पासिलिछो गाउँपालिकामा निर्माणाधीन इखुवा जलविद्युत् आयोजनामा कार्यरत दुई मजदूर हराएका हुन्। जिल्ला प्रहरी कार्यालयका प्रमुख युवराज तिम्सिनाका अनुसार मंगलबार रातिको बाढीले तीन जनालाई बगाएको थियो। एक जनाको भने उद्धार गरिएको छ।
बाढीले बगाउँदा बर्दियाको बारबर्दिया गाउँपालिका-३ का २६ वर्षीय श्यामकुमार थारू र ३० वर्षीय रमेश थारू बेपत्ता रहेको तिम्सिनाले बताए। २६ वर्षीय रामकिसन थारूको भने उद्धार भएको छ। सामान्य घाइते भएका उनको कुलुङ स्वास्थ्य चौकीमा उपचार भइरहेको छ।
हराइरहेका मजदूरको खोजीमा नेपाल प्रहरी र सशस्त्र प्रहरीलाई परिचालन गरिएको छ।
-1732180391.jpg)
-1732099242.jpg)
