फेरि सडकमा उत्रिंदै सहकारीपीडित
-1716870750.jpg)
बचतकर्ताको रकम फिर्ता गराउने सहमति सरकारले कार्यान्वयन नगरेपछि सहकारीपीडितले फेरि सडक आन्दोलन गर्ने भएका छन्।
सहकारी बचतकर्ता संरक्षण राष्ट्रिय अभियानको अगुवाइमा सहकारीपीडितले काठमाडौंमा सडक आन्दोलन शुरू गर्ने जनाएका छन्। साउन १७ गते मुखमा पट्टी बाँधेर सडक आन्दोलनको शुरूआत गर्न लागिएको अभियानका अध्यक्ष कुशलभ केसीले बताए।
सरकारले बचतकर्तासँग पटक पटक गरेको सहमति कार्यान्वयन नगरेपछि मुखमा पट्टी लगाई मानव साङ्लो बनाएर विरोध गरिने उनले बताए। “बारम्बार बोलेर बचत फिर्ताको माग गर्दा सरकारले नसुनेपछि मुखमै कालो पट्टी लगाएर विरोध गर्न लागेका हौं,” अध्यक्ष केसीले भने।
सहकारीमा जम्मा गरेको बचत रकम फिर्ता पाउनुपर्ने माग गर्दै बचतकर्ता १५ महीनादेखि आन्दोलनमा छन्। पछिल्लो पटक काठमाडौंको शान्तिवाटिकामा उनीहरू धर्नामा बस्दै आएको ६७ दिन नाघेको छ। यतिका दिनसम्म सरकारले वास्ता नगरेपछि सडकमै आउन बाध्य भएको उनीहरूको भनाइ छ।
अहिले देशभरका ३५७ सहकारी संस्थामा समस्या देखिएको छ। जसमा १४ लाखभन्दा बढी बचतकर्ताको रकम रहेको अध्यक्ष केसीले बताए।
यो पनि पढ्नुहोस् :
-1732261651.jpg)
-1732259528.jpg)
