काभा भलिबल च्याम्पियनशिपमा नेपाली युवा टोलीको जित
माल्दिभ्समा जारी काभा यू-२० महिला भलिबल च्याम्पियनशिपमा नेपालले पहिलो जित निकालेको छ।
शनिबार साँझ मालेस्थित सोसियल सेन्टर कभर्डहलमा नेपालले घरेलु टोली माल्दिभ्सलाई ३-० को सोझो सेटमा हराएको हो। नेपालले माल्दिभ्स विरुद्ध २५-१६, २५-९ र २५-१० को सहज जित निकालेको छ।
आफ्नो पहिलो खेलमा भने नेपाल श्रीलंकासँग ३-१ र दोस्रो खेलमा कीर्गिस्तानसँग ३-० को सेटमा पराजित भएको थियो।
तीन खेलबाट दुई अंक जोडेको नेपाल अंकतालिकाको तेस्रो स्थानमा छ। चार टीम सहभागी प्रतियोगिताको सेमिफाइनलमा अंकतालिकाको शीर्षस्थानको टीमसँग चौथो तथा दोस्रो र तेस्रो स्थानको टीमबीच प्रतिस्पर्धा हुनेछ।
-1-1738034085.jpg)
