कांग्रेसको प्रमुख सचेतकमा श्याम घिमिरे
नेपाली कांग्रेस संसदीय दलको प्रमुख सचेतकमा श्यामकुमार घिमिरे चयन भएका छन्।
कांग्रेस संसदीय दलका नेता शेरबहादुर देउवाले घिमिरेलाई प्रमुख सचेतक मनोनीत गरेको निजी सचिव केशवराज जोशीले जनाएका छन्।
संसदीय दलको कार्यालयले जारी गरेको प्रेस विज्ञप्तिमा कांग्रेस संसदीय दलको विधानको धारा १३ को उपधारा १ बमोजिम घिमिरेलाई मनोनयन गरिएको उल्लेख छ।
यसअघि कांग्रेस संसदीय दलका प्रमुख सचेतक रमेश लेखक थिए। उनी गृहमन्त्री बनेपछि प्रमुख सचेतक पद रिक्त भएको थियो।
घिमिरे गत निर्वाचनमा सिन्धुली-१ बाट प्रतिनिधि सभा सदस्य निर्वाचित भएका हुन्। कांग्रेस केन्द्रीय सदस्य समेत रहेका घिमिरे लेखा समितिका संयोजक पनि हुन्।
-1732261651.jpg)
-1732259528.jpg)