एनसेलका खुद्रा विक्रेता नगेन्द्रले पाए डिस्कभर बाइक
एनसेलको ‘बिक्रीमा बहार, विक्रेतालाई उपहार’ योजना अन्तर्गत झापाको झापा गाउँपालिका-५, पन्थपाडामा शिव बाबा किराना सञ्चालक नगेन्द्रप्रसाद गणेशले बजाज डिस्कभर बाइक प्राप्त गरेका छन्।
बिहीबार बिर्तामोडमा आयोजित एक कार्यक्रममा कोशी प्रदेशका लागि एनसेलका प्रादेशिक व्यापार प्रबन्धक अम्बर भट्टाचार्यले गणेशलाई १२५ सीसीको बजाज डिस्कभर मोटरसाइकल हस्तान्तरण गरेका छन्।
यस कार्यक्रममा सहभागी खुद्रा विक्रेताले सिम कार्ड र प्याकको बिक्री बापत निश्चित पोइन्ट आर्जन गर्ने अवसर पाएका थिए। यसरी आर्जन गरिएको पोइन्टका आधारमा उनीहरूले ६५ इन्चसम्मका स्मार्टटीभी, स्मार्टफोन, स्मार्टवाच, पावर ब्यांक र ब्लूटूथ स्पीकर उपहार पाएका छन्।
बम्पर उपहारका रूपमा मोटरसाइकल पाउन आर्जन गरेको पोइन्टका आधारमा चार हजार ७५४ खुद्रा विक्रेता सहभागी थिए। तीमध्ये गणेश गोलाप्रथाबाट विजेता छानिएका हुन्।
यस कार्यक्रम अन्तर्गत देशभरका एक हजार १०० खुद्रा विक्रेताले विभिन्न उपहार पाएको एनसेलले जनाएको छ। खुद्रा विक्रेता र साना पसल गर्ने व्यवसायीलाई प्रोत्साहन तथा सहयोग गर्ने उद्देश्यले यो योजना ल्याइएको एनसेलले जनाएको छ।