पहिरोले घर पुरिंदा पोखराका एक युवकको मृत्यु
पोखरामा पहिरोले घर पुरिंदा एक युवकको मृत्यु भएको छ।
पहिरोले घर पुरिंदा पोखरा महानगरपालिका-२७, सहेलापाटाका २२ वर्षीय भीमबहादुर थापाको मृत्यु भएको छ। घरभित्र च्यापिएको अवस्थामा ५० वर्षीय कमला थापाको सकुशल उद्धार गरिएको जिल्ला प्रहरी कार्यालय, कास्कीका प्रहरी नायब उपरीक्षक वसन्तकुमार शर्माले बताए।
बुधबार बिहान पहिरो खस्दा ब्लकले बनेको घर पुरिएको हो। कमला र भीम घरभित्र रहेका थिए। तत्कालै स्थानीय बासिन्दा उद्धारमा खटिएका थिए।
स्थानीय बासिन्दासँगै इलाका प्रहरी कार्यालय, सिसुवा र सशस्त्र प्रहरी बल नेपाल २४ नं कालिका गण, मालेपाटनको टोलीले कमलाको उद्धार गरेको हो। भीम भने मृत अवस्थामा भेटिएको प्रहरी नायब उपरीक्षक शर्माले बताए।
पोखरा र आसपासको क्षेत्रमा गए रातिदेखि लगातार वर्षा भइरहेको छ।
-1732261651.jpg)
-1732259528.jpg)