पहिरोले डुम्रे-बेंसीसहर सडक अवरुद्ध
गए रातिदेखि भएको निरन्तरको वर्षाले पहिरो खस्दा डुम्रे-बेंसीसहर सडक अवरुद्ध भएको छ।
यस सडक अन्तर्गत बेंसीसहर नगरपालिका-१, दलालमा आज बिहान पहिरो खसेको हो। पहिरोले सडक अवरुद्ध भएको जिल्ला प्रहरी कार्यालयले जनाएको छ।
पानी परिरहेको र पहिरो पनि निरन्तर खसिरहेकाले बाटो खुल्न समय लाग्ने जिल्ला प्रहरी कार्यालयका प्रहरी निरीक्षक थानेश्वर चपाईंले बताए। सडक अवरुद्ध भएपछि लमजुङबाट काठमाडौं, पोखरा, चितवन र भैरहवा लगायत स्थान जानेआउने र बेंसीशहरतर्फको सवारी आवागमन बन्द भएको छ।
बाटामा सयौं यात्री अलपत्र परेका छन्। यसअघि यही असार ४ गते पनि पहिरो खस्दा सडक अवरुद्ध भएको थियो।
-1732175085.png)
-1732099242.jpg)
-1732097316.jpg)
