कृषि तथा वन विज्ञान विश्वविद्यालयको चौथो दीक्षान्त समारोहबाट एक हजार ५९ विद्यार्थी दीक्षित भएका छन्।
विश्वविद्यालयको कृषि, पशु विज्ञान, पशु चिकित्सा तथा मत्स्य विज्ञान र वन विज्ञान अध्ययनरत स्नातकोत्तर र स्नातक तह पूरा गरेका र विद्यावारिधि उपाधि प्राप्त गरेका विद्यार्थीलाई दीक्षित गरिएको हो। कृषि संकाय अन्तर्गत ६ र वन विज्ञान संकायबाट एक जनाले विद्यावारिधि प्राप्त गरेका छन्।
सोमबार आयोजित विशेष समारोहलाई सम्बोधन गर्दै प्रधानमन्त्री पुष्पकमल दाहालले देशले दक्ष र सीपयुक्त जनशक्ति प्राप्त गरेकाले दीक्षित विद्यार्थीलाई समग्र कृषि, वन क्षेत्रको विकासमा योगदान दिन आग्रह गरे। विश्वविद्यालयमा सिकेको ज्ञान, सीप किसानसँग बाँड्नु अहिलेको आवश्यकता भएको दाहालको भनाइ थियो।
.jpg)
“उत्पादन, उत्पादकत्व वृद्धि र देशभित्रै नयाँ रोजगारीका अवसर सिर्जना गर्न सरकारले यस वर्ष नीति, कार्यक्रम र बजेटमा कृषि र सूचना प्रविधिको क्षेत्रलाई प्राथमिकतामा राखेको छ,” प्रधानमन्त्री दाहालले भने, “नेपाल जस्तो देशका लागि प्रमुख अर्थतन्त्रको आधार कृषि नै हो, कृषिमा आधारित उद्योग स्थापना गर्नु, उत्पादन र उत्पादकत्व वृद्धिका लागि विज्ञान र प्रविधिको प्रयोग गर्नु आधारभूत कुरा हुन्।”
.jpg)
समारोहका प्रमुख अतिथि सिक्किम स्किल युनिभर्सिटीका उपकुलपति प्रा.डा. अजयकुमार मिश्रले कृषि विश्वविद्यालयले शैक्षिक गुणस्तर वृद्धिमा योगदान पुर्याएको चर्चा गर्दै दीक्षित विद्यार्थीलाई कृषि क्षेत्रको विकास र विस्तारमा सरिक हुन अनुरोध गरे।
समारोहमा एएफयूका उपकुलपति प्रा.डा. पुण्यप्रसाद रेग्मीले दीक्षित विद्यार्थीलाई बधाई दिंदै विश्वविद्यालयबाट हासिल गरेको ज्ञानलाई कृषि क्षेत्र र किसानका लागि समर्पित गर्न आग्रह गरे। विश्वविद्यालयका तीन संकायसँगै नौ आंगिक कलेज र सम्बन्धन प्राप्त क्याम्पसमा गरी करीब चार हजार विद्यार्थी अध्ययनरत छन्।
.jpg)
-1732180391.jpg)
-1732099242.jpg)
-1732097316.jpg)
-1718622530.jpg)
