विश्वकप छनोट : आज नेपाल र यूएई भिड्दै
फिफा विश्वकप छनोटको दोस्रो चरण अन्तर्गत आज नेपाल यूएई विरुद्ध खेल्दै छ।
नेपाली समय अनुसार आज राति ९:४५ मा साउदी अरबको प्रिन्स मोहम्मद बिन फहद रंगशालामा खेल हुँदै छ। यो खेल त्रिपुरेश्वरस्थित दशरथ रंगशालामै हुने तय भएको थियो। तर रंगशालाको मापदण्ड नपुगेको भन्दै एएफसी (एशियन फूटबल महासंघ)ले ‘न्यूट्रल भेन्यू’ मा गर्न निर्देशन दिएपछि नेपाली टोली साउदी पुगेको हो।
नेपाल र यूएई समूह ‘एच’ मा छन्। यस समूहमा बहराइन र यमन पनि छन्। हालसम्म नेपालले चार खेल खेलेको छ। तर अहिलेसम्म कुनै खेल पनि जित्न सकेको छैन। नेपाल अंकतालिकामा पुछारमा छ।
यता यूएई भने चारमध्ये चारै खेल जितेर अंकतालिकामा समूहको शीर्षस्थानमा छ। यसअघि नेपाल र यूएईबीच भएको खेलमा नेपाल ४-० ले पराजित भएको थियो।
फिफा वरीयतामा यूएई ६७औं स्थानमा छ भने नेपाल १७८औं स्थानमा छ।
-1732175085.png)
-1732099242.jpg)
-1732097316.jpg)
