डोटीमा जीप दुर्घटना, दुई जनाको मृत्यु
डोटीको जोरायल गाउँपालिका-१, खडिनामा जीप दुर्घटना हुँदा दुई जनाको मृत्यु भएको छ भने अन्य सात जना घाइते भएका छन्।
दार्चुलाबाट धनगढीतर्फ गइरहेको यात्रुवाहक जीप आज बिहान दुर्घटना भएको हो। दुर्घटनामा दार्चुलाको लेकम गाउँपालिका-४, पैतोलीकी ४० वर्षीया धौलीदेवी धामी र तीन वर्षीया रीतिका पार्कीको ज्यान गएको जिल्ला प्रहरी कार्यालयका प्रहरी नायब उपरीक्षक भीमलाल भट्टराईले बताए।
प्रहरीका अनुसार धामीको घटनास्थलमै मृत्यु भएको हो। बालिकाको उपचारका क्रममा ज्यान गएको हो।
दुर्घटनामा घाइते भएका सात जनाको स्थानीय स्वास्थ्यचौकीमा उपचार भइरहेको छ। जीपमा नौ जना सवार थिए।
-1732353496.jpg)
-1732261651.jpg)
