एक करोड एक लाख रुपैयाँ सहित एक युवक पक्राउ
सुनसरीको हरिनगर गाउँपालिका-५, दुर्गा मन्दिर नजिकबाट गए राति स्रोत नखुलेको एक करोड एक लाख रुपैयाँ सहित प्रहरीले एक जनालाई पक्राउ गरेको छ।
सशस्त्र प्रहरी बल, नेपाल बोर्डर आउटपोस्ट वसन्तपुरको चेकपोइन्ट टोलीले घुस्की नाकामा सुरक्षा जाँचका क्रममा हरिनगर-५ का ३७ वर्षीय इसा अन्सारीलाई पक्राउ गरेको हो।
घुस्की नाकाबाट हरिनगरतर्फ जाँदै गरेको बा १६ च ७६१३ नम्बरको कारलाई जाँच गर्दा बोरामा लुकाइराखेको एक करोड एक लाख रुपैयाँ बरामद भएको प्रहरीले जनाएको छ।
यो रकम हुन्डी कारोबारको भएको सशस्त्र प्रहरीको आशंका छ। बरामद रकम, कार र चालकलाई राजस्व अनुसन्धान कार्यालय पठाइने सशस्त्र प्रहरी बल बराहवाहिनीका सहप्रवक्ता शैलेन्द्र थापाले बताए।
-1732261651.jpg)
-1732259528.jpg)
