पेट्रोलियम पद्धार्थको मूल्य घट्यो
नेपाल आयल निगमले पेट्रोलियम पदार्थको मूल्य घटाएको छ।
निगमले पेट्रोलमा प्रतिलिटर तीन रुपैयाँ तथा डिजेल र मट्टीतेलमा प्रतिलिटर एक रुपैयाँ घटाएको हो। शनिबार बिहान १ बजेदेखि लागू हुने गरी मूल्य घटाएको निगमले जनाएको छ।
काठमाडौं, पोखरा र दिपायलमा अब पेट्रोलको मूल्य प्रतिलिटर १६८ रुपैयाँ र डिजेल तथा मट्टीतेल प्रतिलिटर १५३ रुपैयाँ कायम गरिएको छ। त्यस्तै, सुर्खेत र दाङमा पेट्रोलको मूल्य प्रतिलिटर १६७ र डिजेल तथा मट्टीतेलको मूल्य प्रतिलिटर १५२ रुपैयाँ भएको छ।
त्यस्तै, चारआली, विराटनगर, जनकपुर, अमलेखगन्ज, भलबारी, नेपालगन्ज, धनगढी र वीरगन्जमा पेट्रोलको मूल्य प्रतिलिटर १६५ रुपैयाँ ५० पैसा र डिजेल तथा मट्टीतेल प्रतिलिटर १५० रुपैयाँ ५० पैसा कायम गरिएको निगमले जनाएको छ।
निगमले हवाई इन्धन र एलपी ग्यासको बिक्री मूल्य भने हाललाई यथावत् राखेको छ। भारतबाट मूल्य घटेर आएपछि नेपालमा पनि घटाइएको निगमले जनाएको छ।
-1732353496.jpg)
-1732261651.jpg)
