अटोरिक्शा र मोटरसाइकल ठोक्किंदा दुई जनाको मृत्यु
दाङमा अटोरिक्शा र मोटरसाइकल आपसमा ठोक्किंदा दुई जनाको मृत्यु भएको छ भने एक जना गम्भीर घाइते भएका छन्।
दुर्घटनामा बबई गाउँपालिका-४ का मोटरसाइकल चालक ३० वर्षीय राजेश भण्डारी र मोटरसाइलकमा सवार ३१ वर्षीय साकार केसीको मृत्यु भएको इलाका प्रहरी कार्यालय, तुलसीपुरका प्रहरी नायब उपरीक्षक ठाकुर पोख्रेलले बताए। दुर्घटनामा घाइते दुवै जनाको उपचारका क्रममा मृत्यु भएको हो।
दाङको तुलसीपुर-२, कुमलगडीस्थित कुमलगडीबाट तुलसीपुरतर्फ आउँदै गरेको रा १ ह ४०९६ नम्बरको अटो र विपरीत दिशामा गुडिरहेको रा ७ प २५० नम्बर मोटरसाइकल आपसमा ठोक्किएका हुन्।
दुर्घटनामा परी दाङको शान्तिनगर-७, खैरेनीका अटोचालक ४३ वर्षीय रुद्रबहादुर थापा गम्भीर घाइते भएका छन्। उनको नेपालगन्जमा उपचार भइरहेको छ।
-1732261651.jpg)
-1732259528.jpg)
