कौसीमा जेठ ३ देखि ‘गिल्टी अर नट गिल्टी’
टेकुस्थित कौसी थिएटरमा आगामी जेठ ३ गतेदेखि नाटक गिल्टी अर नट गिल्टी मञ्चन हुने भएको छ।
रूसी-अमेरिकी लेखक अयन र्यान्डको नाटक अन द नाइट अफ जनवरी सिक्सटिन्थलाई नेपालीकरण गरी तयार पारिएको यस नाटक आगामी जेठ २६ गतेसम्म मञ्चन हुनेछ। अग्रवाल इन्भेस्टमेन्ट भेन्चरका सञ्चालक राधेश्याम अग्रवाल नामक पात्रको १९औं तलाबाट खसेर मृत्यु भएपछि उक्त घटना हत्या हो वा आत्महत्या भन्ने विषयको अदालती बहस नाटकले प्रस्तुत गर्नेछ।
नाटकमा विजय ताम्राकार, आभास अधिकारी, समापिका गौतम, बासना तिमल्सिना, रूपेश लामा, सागर दाहाल, जेम्स ढकाल, अशोक गौतम, नवीनचन्द्र अर्याल, अरुण पौडेल, सुष्मा निरौला, मनीष ब्यन्जू, सदिन लुइँटेल, रौनक कार्की, विजया पौडेल, इशा सिंजाली लगायत कलाकारको अभिनय छ। नाटक राजकमल फकीरको निर्देशन तथा डिजाइनमा बनेको हो।
यस्तै, ध्वनि संयोजक नरेश गजुरेल रहेका छन् भने प्रकाश व्यवस्थापक आशान्त शर्मा रहेका छन्। नाटक मंगलबार बाहेक प्रत्येक दिन साँझ साढे ५ बजे मञ्चन गरिनेछ भने शनिबार दिउँसो १ बजेको अतिरिक्त शो रहेको छ।
-1732175085.png)
-1732099242.jpg)
-1732097316.jpg)
