दुई समूहबीचको झडपमा एक जनाको मृत्यु, चार पक्राउ
काठमाडौं महानगरपालिका-९, बत्तीसपुतलीस्थित कुमारी टोलमा दुई समूहबीच झडप हुँदा एक जनाको मृत्यु भएको छ।
झडपमा मोरङका २४ वर्षीय शम्भु धिमालको मृत्यु भएको जिल्ला प्रहरी परिसर, काठमाडौंका प्रवक्ता नवराज अधिकारीले जानकारी दिए। अधिकारीले भने, “गए राति दुई समूहबीच झगडा हुँदा एक जनाको मृत्यु भएको छ, घटनामा संलग्न रहेको अभियोगमा चार जनालाई नियन्त्रणमा लिएर अनुसन्धान भइरहेको छ।”
मृतक धिमालको शव परीक्षणका लागि त्रिभुवन विश्वविद्यालय शिक्षण अस्पताल, महाराजगन्जमा राखिएको अधिकारीले बताए।
-1732353496.jpg)
