२४ दिनमा आगलागी, डढेलो र चट्याङबाट २७ जनाको मृत्यु
आगलागी, डढेलो र चट्याङबाट वैशाख महीनाको २४ दिनमा २७ जनाको मृत्यु भएको छ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार वैशाख १ देखि २४ गतेसम्ममा आगलागीबाट १८, डढेलोले ६ तथा चट्याङ लागेर तीन जनाले ज्यान गुमाएका हुन्। यस्तै, ९० जना घाइते भएको प्राधिकरणले जनाएको छ।
यसैबीच, प्राधिकरणले अग्निपीडित परिवारलाई पनि अस्थायी घर बनाउन आर्थिक सहयोग गर्ने कार्यविधि स्वीकृत गरेको जनाएको छ। यसअघि यस्तो सुविधा भूकम्पपीडितका लागि मात्र उपलब्ध थियो।
-1732353496.jpg)
